سكاف تتحدث عن المحاصصة في تعيينات الدستوري... وأحد المغردين يعلق: هيدا القاضي الك وهيدا القاضي الي

السبت , 24 آب 2019
+ -

كتبت رئيسة الكتلة الشعبية ميريام سكاف على حسابها على "تويتر": "دايماً بيقول فخامة الرئيس إنو إذا القضاء بخير البلد بخير، بس ما شفنا غير المحاصصة والمحسوبيات بتعيين أعضاء المجلس الدستوري وهيدا معيب ومهين للقضاء وللشعب اللبناني."

وأضافت:"للأسف كل شي بالبلد صار يخضع لمنطق الاستزلام، وبدل ما نبادر لبناء المؤسسات،عم نساهم كل يوم بتدميرها واستتباعها".

وتابعت سكاف:"المفروض يتم نقل صلاحيات تعيين وانتخاب أعضاء المجلس الدستوري من مجلس النواب ومجلس الوزراء لجهة قضائية متخصصة وبعيدة عن التدخلات السياسية، لأنو هيدا الطريق الوحيد لمحاربة الفساد ولإصلاح البلد، وإلا ما في شي رح يتغيّر، ورح تبقى أعلى مرجعية قضائية مرتهنة لقرار وإرادة السياسيين."

وفي التعليقات على تغريدة سكاف، كتب محمد فواز:"هيدا القاضي إلك وهيدا القاضي إلي .هيدا المدير العام إلك وهيدا المدير العام إلي..

هيدا القاضي أو هيدا المدير." وسأل:"كيف بدو يشتغل لكل الناس ؟ رح يشتغل لزعيمو".